1. انحشار الورق (Paper Jam)
الأسباب:
- استخدام ورق رطب أو مجعد
- وضع ورق أكتر من سعة الدرج
- استخدام ورق رفيع جداً
- أجزاء مطاطية (Rollers) متآكلة
الحل:
- افتح الطابعة واسحب الورق المحشور ببطء في اتجاه خروج الورق
- استخدم ورق 80 جرام جديد وجاف
- متعبيش الدرج فوق الحد المسموح
- لو المشكلة بتتكرر، غير الـ Rollers
2. الطباعة باهتة أو فيها خطوط
الأسباب:
- الحبارة قربت تخلص
- الحبارة مش متوزعة بالتساوي
- الدرام (Drum) محتاج تغيير
الحل:
- اطلع الحبارة ورجها يمين وشمال وركبها تاني
- لو لسه باهتة، غير الحبارة
- لو المشكلة مع حبارة جديدة، الدرام محتاج تغيير
3. الطابعة مش بتتعرف على الكمبيوتر
الحل:
- اتأكد إن سلك الـ USB متوصل كويس
- جرب منفذ USB تاني
- حمل آخر تعريف (Driver) من موقع HP
- لو بتوصل بالشبكة، اتأكد إن الطابعة والكمبيوتر على نفس الشبكة
4. الطابعة بتطلع ورق فاضي
الأسباب:
- الشريط البلاستيك (Seal) لسه على الحبارة الجديدة
- الحبارة مش مركبة صح
- الحبارة فاضية
الحل:
- اتأكد إنك شيلت الشريط البلاستيك من الحبارة
- اطلع الحبارة وركبها تاني لحد ما تسمع “كليك”
5. الطابعة بطيئة
الأسباب:
- جودة الطباعة متظبطة على “عالية” (High Quality)
- الطابعة محتاجة ريستارت
- الذاكرة ممتلئة بأوامر طباعة قديمة
الحل:
- غير جودة الطباعة لـ “عادية” (Normal) لو مش محتاج جودة عالية
- اعمل ريستارت للطابعة
- امسح قائمة الطباعة (Print Queue) من الكمبيوتر
لا يوجد تعليق