طابعتك استثمار… حافظ عليه

الصيانة الدورية البسيطة بتخلي طابعتك تشتغل بكفاءة عالية لسنوات طويلة. هنا 7 نصائح عملية:

1. نضف الطابعة بانتظام

الغبار هو العدو الأول للطابعة. كل أسبوعين، امسح الطابعة من بره بقطعة قماش ناعمة. وكل شهر، افتحها ونضف الداخل بفرشاة ناعمة أو هوا مضغوط.

2. استخدم ورق جيد

الورق الرخيص بيسيب غبار ورقي جوه الطابعة وبيسبب انسداد. استخدم ورق 80 جرام على الأقل من ماركة معروفة.

3. خزن الورق صح

خلي الورق في مكان جاف بعيد عن الرطوبة. الورق الرطب بيسبب جام (انحشار) في الطابعة وبيأثر على جودة الطباعة.

4. متسيبش الطابعة من غير طباعة فترة طويلة

لو الطابعة قعدت فترة طويلة من غير استخدام، الأجزاء المطاطية ممكن تجف. حاول تطبع صفحة على الأقل كل أسبوع.

5. غير الحبارة في الوقت المناسب

لما الطابعة تقولك إن الحبارة قربت تخلص، غيرها في أقرب وقت. الطباعة بحبارة فاضية بتأثر على الدرام (Drum) وبتكلفك أكتر.

6. متحملش الطابعة فوق طاقتها

كل طابعة ليها حد أقصى للطباعة الشهرية (Duty Cycle). لو بتطبع أكتر من الحد ده، الطابعة هتتعب بسرعة.

7. حدث تعريفات الطابعة

تعريفات الطابعة (Drivers) بيتم تحديثها من HP عشان تحل مشاكل وتحسن الأداء. حمل آخر تعريف من موقع HP.